Масовни протести низ Израел: Десетици илјади граѓани побараа оставка од Нетанјаху
Десетици илјади Израелци викендов демонстрираа низ целата земја против владата на Бенјамин Нетанјаху, барајќи посериозни напори за ослободување на заложниците кои Хамас ги држи шест месеци.
Само во Тел Авив, како што пренесува Гардијан, на улиците излегле 100. 000 луѓе. Извикувајќи „избори сега“, демонстрантите го повикаа Нетанјаху веднаш да поднесе оставка и побараа избори.
Локалните медиуми јавија дека едно лице, наводно, намерно со автомобил прегазило тројца учесници во протестите, кои се здобиле со повреди. Полицијата го привела возачот.
Митинзи беа одржани и во други градови, а лидерот на израелската опозиција Јаир Лапид учествуваше на еден во Кфар Саба пред да замине во Вашингтон на разговори.
– Ништо не научија, не се сменија, рече тој и додаде: „Сè додека не ги испратиме дома, тие нема да и дадат шанса на оваа земја да оди напред“.
Демонстрации имаше и во Хаифа, Бер Шева, Херцлија и Цезареја пред приватната вила на премиерот Нетанјаху.
Таму дошло до судир меѓу полицијата и демонстрантите кои се обидувале да се доближат до резиденцијата. Протест за ослободување на заложниците на Хамас се одржа и во Ерусалим.
Поминаа точно шест месеци откако терористите на Хамас го нападнаа јужниот дел на Израел, убивајќи околу 1. 200 луѓе и киднапирајќи 250 луѓе. Според информациите, 129 лица сè уште се во рацете на Хамас.
Ново на Сител
-
Пожар во гаража во Ново Лисиче, причинета материјална штета
-
Приведен жител на неготинско село кој не почитувал судска наредба и се заканувал на мајката и братот
-
Земјотрес регистриран во Македонија
-
Четворица повредени при пад на мал авион врз куќа во Колорадо
-
Номиниран јавен обвинител за следење на предметите за кривични дела од омраза и дискриминација
-
Поплави во Сиднеј
-
Уште еден Србин обвинет за воени злосторства во Косово
-
Посебен сообраќаен режим утре во Скопје поради одржување на атлетска трка