Масовен протест во Јемен: Демонстрантите ги газеа израелските и американските знамиња

Десетици илјади Јеменци се собраа  во неколку градови каде ги слушаа нивните лидери како ги осудуваат американските и британските напади врз нивната земја, извршени како одговор на нападот на Хутите врз поморскиот сообраќај во Црвеното Море.

САД и Велика Британија рано изутрината извршија десетина воздушни напади врз воени цели на Хутите.

„Вашите напади врз Јемен се тероризам“, рече Мохамед Али Ал-Хути, член на Врховниот политички совет на Хутите, говорејќи за САД.

„Не ги нападнавме бреговите на Америка, ниту отидовме на американските острови, ниту ги нападнавме. Вашите напади врз нашата земја се тероризам. Тие се терористи и се вешти да го лажат светското население, но свеста на јеменскиот народ е поинаква, рече Ал-Хути.

Демонстрантите во главниот град Сана ги газеа израелските и американските знамиња.

Меѓународно признатата јеменска Влада исто така соопшти дека нападите се одговор на континуираните напади на милитантите врз меѓународни бродови во Црвеното Море.