Маск понуди да ги купи сите акции на Твитер
Милијардерот и сопственик на компанијата за производство на електрични автомобили Тесла, Илон Маск достави понуда за купување на сите акции на Твитер. Тој нуди 41,39 милијарди долари за 100 проценти акции на социјалната мрежа.
– Твитер треба да се трансформира во приватна компанија. Како резултат на тоа, сакам да купам сто проценти од акциите на Твитер за 54,20 долари по акција во готовина … Мојата понуда е најдобра и тоа е последна понуда, а доколку не биде прифатена, ќе треба да ја преиспитам мојата позиција како акционер, изјави Маск.
Тој како финансиски советник ја ангажира банката Морган Стенли.
Маск на 1 април стана сопственик на околу девет отсто од акциите на Твитер.
– Инвестирав во Твитер бидејќи верувам во неговиот потенцијал да биде платформа за слобода на говор ширум светот. Верувам дека слободата на говорот е социјален императив за функционална демократија, напиша Маск во писмото до претседателот на Твитер, Брет Тејлор.
Акциите на Твитер денеска забележаа раст од 11 проценти.
Ново на Сител
-
Во полиција задржани тројца кавадарчани, едниот бил агресивен и се заканувал кон полицајци, двајца спречувале преземање на службени дејства
-
Тешко повреден малолетен пешак во Куманово по удар на автомобил
-
Експлозија во магацин за пиротехника во Бугарија
-
Продолжи собраниската комисиска расправа за ребалансот на Буџетот
-
Второто злато на ОИ 2024 за Кина
-
На „Богородица“ и „Табановце“ зголемен интензитет на сообраќај
-
СВР Скопје расчисти кривични дела „убиство“ и „убиство во обид“, кои се случија месецов, поднесени пријави против три лица
-
Унгарија го зема најголемиот кредит досега од Кина – Позајмица од милијарда евра