Масакр: Авганистански војник уби еден колега и рани седум американски војници

Најмалку еден авганистански војник е убиен, а седум американски војници се ранети денеска во „инсајдерски напад“ во база во северен Авганистан, изјави американски воен претставник. 

Портпаролот на воената команда на САД во Кабул потврди дека седум војници се евакуирани, откако се ранети во базата Шахин, која е седиште на 209. корпус на авганистанската војска во северниот град Мазар-и-Шариф.

Според американскиот претставник, најмалку еден авганистански војник е убиен, а еден е ранет во пукотниците. 

Тој меѓутоа не можеше да потврди дали личноста за која постои сомнеж дека пукала е меѓу убиените или ранетите војници. 

Портпаролот на 209. корпус на авганитанската војска Абдул Кахар Арам претходно изјави дека авганистански војник пукал и убил четворица американски војници во базата.