Марко Марковиќ победник на натпреварот за Мајкрософт офис специјалист

 

Марко Марковиќ, ученик во втора година во Гимназијата „Раде Јовчевски Корчагин“ ќе ја претставува Македонија на Светскиот натпревар за Мајкрософт офис специјалист што ќе се одржи во Америка.

 

Тој за 18 минути и 25 секунди освои 1.000 поени полагајќи PowerPoint 2013 тест. Во натпреварот Марко се вклучил пред еден месец кога прв пат го полагал тестот и се квалификувал за финалето.

 

Марко изјави дека е многу возбуден што ја освои титулата и се надева дека успешно ќе ја претставува Македонија на светското финале во Америка. Најголема благодарност упати до менторот и семејството со чија поддршка, вели, стигнал до финалето.

 

Неговиот ментор професорката по информатичка технологија и програмски јазици Жаклина Прекиќ заедно со уште двајца професори од Гимназијата подготвиле 80 ученици за тестирањето, од кои во финалето се квалификувале 10-тина ученици.

 

Првиот Национален натревар за Мајкрософт офис специјалист се реализира со поддршка од Здружението на информатичарите на Македонија, Град Скопје, Општина Струмица и компании од ИТ-секторот.