Маричиќ: 3.5 милиони евра од ЕУ вложени во возила за отпад на истокот и североистокот на државата
Заменик Претседателот на Владата за европски прашања, Бојан Маричиќ преку Фејсбук статус информираше дека 3,5 милиони евра од Европската Унија се вложени во возила за отпад на истокот и североистокот на државата.
„ Обезбедени возила за комунална хигиена преку проектот за Поддршка во воспоставување регионален систем за управување со отпад. Набавката и ставањето во употреба на возила за прибирање отпад во Источниот и Североисточниот плански регион овозможија да се оптимизира работењето на комуналните служби за да се обезбеди навремено испорачување на комуналните услуги во корист на граѓаните и отпадот да се испорача до локациите наменети за одлагање отпад со што ќе се заштити средината од неконтролирано одлагање на отпад во согласност со стандардите на ЕУ. Вредностa на овој проект e 3,597,440.00 евра, од кои 85% се европски средства. Мораме заеднички да ги менуваме навиките и по европски терк, во однос на складирање и селектирање на отпадот, да го решаваме проблемот со дивите депонии. Како Национален ИПА координатор останувам посветен на максимално искористување на ЕУ помошта преку Програмата ИПА за спроведување на реформите од клучните и приоритетни области, како и активностите кои произлегуваат од Зелената агенда“, напиша Маричиќ на Фејсбук.
Ново на Сител
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени
-
МВР: Постојат основи на сомневање за можниот сторител на убиството во Тетово
-
На Табановце за влез и за излез во земјата се чека половина час
-
Побарани обдукција и снимки од видеонадзор за убиството во Тетово
-
Сончево и топло со мала локална облачност