МАР: Измените на Законот за минерални суровини се штетни за рударството
Македонската асоцијација на рударство (МАР) повторно апелира да не се носат измените на Законот за минерални суровини по скратена постапка, туку претходно да се организира јавна дебата со сите засегнати страни, државата, бизнис заедницата и невладиниот сектор, за да се покаже дека не се само рудниците загадувачи на животната средина, туку дека врз тоа влијаат и многу други фактори.
Како што рече денеска претседателот на МАР, Николајчо Николов, измените на Законот се лоши, исклучително штетни, нелогични, селективни, недоречени и неприменливи во пракса.
- Продолжува хајката против рударскиот сектор. Тенденциозно се туркаат измените на Законот за минерални суровини по скратена постапка иако со нив, не само што нема да се реши ништо, туку и дополнително ќе се искомплицираат работите. Како да е целта да се добијат некакви поени, нагласи Николов на прес-конференција во Стопанската комора на Македонија.
Тој апелира пратениците добро да размислат пред да ги поддржат измените, а медиумите да помогнат да се дознае вистината.
- Не го поддржуваме рударството, туку сакаме да се дојде до вистината. Ако се докаже дека рудниците се тие што ја загадуваат животната средина, први ќе се повлечеме, порача претседателот на МАР.
Нестручен е пристапот, оцени Николов, во дефинирањето на измените зашто од нив не се гледа што треба да се постигне. Законот, веројатно, го креирале луѓе од кои дел воопшто не виделе руда.
Измените на Законот за минерални суровини ја поминаа расправата во Законодавно правната комисија и се пред пленарна седница.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување