МАНС: Семејството Ѓукановиќ да го објасни богатството со кое се вбројува на листата на Форбс

Црногорската невладина организација МАНС ги повика денеска членовите на семејството на доскорашниот премиер Мило Ѓукановиќ да го објаснат богатството кое тоа семејство го вбројува на листата на Форбс, со проценка дека изнесува 167 милиони долари.

Една од најактивните невладини организации во Црна Гора за борба против корупцијата, ја коментираше денеска проценката на Форбс, според која богатството на семејството на поранешниот премиер и актуелен лидер на владејачката Демократска партија на социјалистите е вредно 167 милиони долари.

Според наводите на американското списание, поранешниот премиер на Тајланд, црногорскиот државјанин Таксин Шинаватра, со богатство од 1,61 милијарда долари е најбогат човек во Црна Гора.