Манчевски ќе учествува на Вториот дигитален самит на Западен Балкан во Белград
Во Белград утре и задутре ќе се одржи вториот Дигитален самит на Западен Балкан, на којшто е предвидено да учествува и министерот за информатичко општество и администрација Дамјан Манчевски.
На самитот, што ќе го отвори српската премиерка Ана Брнабиќ, ќе учествува и еврокомесарката за дигитална економија и општество Марија Габриел и генералниот секретар на Меѓуародната унија за телекомуникации Хоулин Ѓао.
На дводневниот самит се очекуваат околу 3000 претставници од ИТ индустријата и стопанството од 30 економии од Западен Балкан, Европа и светот, меѓу кои и повеќе експерти од Северна Македонија.
Во рамки на Самитот, на кој се предвидени 200 говорници, ИТ компаниите во регионот ќе имаат можност да се претсават, да разменат идеи и да дадат предлози за унапредување на ИКТ секторот во овој дел од Европа.
Како што претходно најавуваа медиумите во Србија, на Самитот постои можност да биде потпишан регионален договор за роаминг на земјите од Западен т Балкан, со кој цените на повиците од 1 јули би биле намалени за 25 отсто, но засега според официјалната агенда на самитот, таквиот настан е неизвесен.
Одржувањето на Дигиталниот самит е инициран со Берлинскиот процес, иницијатива за унапредување на регионалната соработка, а прв ваков собир беше одржан во Скопје минатата година.
Ново на Сител
-
Тема на денот со доктор Катерина Мирчовска, директор на кочанската болница
-
Со владиниот авион ќе бидат евакуирани македонците кои се наоѓаат во Израел
-
Трет ден конфликт меѓу Израел и Иран, Трамп и Путин ја оценија состојбата како „многу алармантна“
-
Кочани на приоритетната листа за министерот за здравство - Алиу вели дека нема да оперира, туку ќе менаџира со системот
-
Процесот на рехабилитација на повредените во пожарот во Кочани е долг, скап и макотрпен
-
Обвинителството им стои на располагање на семејствата на жртвите
-
Зајкова бара собраниска седница зад затворени врати за престојниот НАТО Самит
-
Откриени 5 гробници издлабени во камен на локалитетот Крклари дел од заштитеното подрачје Маркови Кули