Малолетно девојче повредено при пад од мотор

Вчера попладне во 16 часот и 45 минути на улица „Сирма Војвода“ во Охрид, со повреди се здобило малолетно девојче .

Имено 15-годишно девојче од Охрид, управувајќи мопед „Ханг лонг“ со охридски регистарски ознаки, изгубилo контрола над мопедот и со истиот се излизгалo по коловозот.

 Од падот девојчето се здобила со тешки телесни повреди и со возило на Итна медицинска помош било пренесено во специјалната болница за ортопедија и трауматологија „Св.Еразмо“ во Охрид, каде му била укажана лекарска помош.

Увид на местото на настанот извршила екипа од СВР Охрид.