Малолетници нападнале 15-годишник во Скопје, еден од нив пукал со пиштол кон него

Петнаесетгодишник бил физички нападнат од двајца малолетници во Скопје, а еден од нив дури и пукал со огнено оружје, информираат од Министерството за внатрешни работи.

Според полицијата, на 12 март 2026 година во 03:30 часот во СВР Скопје, Н.И. (39) од Скопје пријавил дека на 11 март околу 19:30 часот на подрачјето на Центар, неговиот 15-годишен син бил нападнат од двајца малолетници.

Како што е пријавено, подоцна на подрачјето на Гази Баба едниот од напаѓачите репетирал огнено оружје кон малолетникот и пукал, додека другиот фрлал тврди предмети кон него.

Од МВР соопштија дека се преземаат мерки за расчистување на случајот.