Макрон потврди поддршка за сириската опозиција

Францускиот претседател Емануел Макрон потврди поддршка за сириската опозиција во разговор со координаторот на сирискиот опозициски Висок преговарачки комитет, Ријад Хиџаб, соопшти Кабинетот на Макрон.

Во разговорот што се одржал вчера Макрон „потврди поддршка на Франција за сириската опозиција“ нагласува Кабинетот.

Макрон го уверил Хиџаб дека е подготвен да се ангажира целосно за постигнување политичко решение во рамки на Женевскиот процес.

Во интервју за неколку европски весници Макрон наведе дека не гледа „легитимност“ за сирискиот претседател Башар Асад кој според него, не е непријател на Франција туку на сирискиот народ.