Макрон: Победата на крајната левица или десницата може да предизвика граѓанска војна

Францускиот претседател Емануел Макрон оцени дека победата на крајната левица или крајната десница на претстојните вонредни парламентарни избори може да предизвика „граѓанска војна“.

Тој рече дека екстремно левичарската партија „Франција непобедлива“, како и крајнодесничарската партија „Национален собир“ на Марин Ле Пен, спроведуваат политики што „охрабруваат поделби и тензии меѓу заедниците“, објави политико.

„Одговорот на десницата на нестабилноста е да ги сведе луѓето на нивната религија или нивното потекло и затоа ги турка луѓето кон граѓанска војна“, истакна Макрон.