Макрон и Путин телефонски разговараа за Сирија
Францускиот претседател Емануел Макрон во телефонски разговор со Владимир Путин го повика рускиот претседател да го искористи своето влијание за да се стави крај на конфликтот во Сирија и да се обноват преговорите за политичка транзиција во земјата, соопшти Елисејската палата.
Макрон ја истакна потребата од ставање крај на воената ескалација од последните месеци, со цел да се заштити цивилното население, се вели во соопштението во кое се додава дека двајцата лидери разговарале и за потребата да се обезбеди дека нема да има заживување на групата Исламска држава во регионот.
Макрон изразил надеж дека ќе има редовен дијалог меѓу Франција и Русија кој ќе овозможи поконкретен напредок за изнаоѓање решение во Сирија.
Во соопштението на Кремљ за разговорот се вели дека Путин го информирал Макрон за исходот од тристраната средба за Сирија во Анкара, на која учествуваа Турција, Иран и Русија.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар