Макпетрол предупредува на небезбедно полнење боци со плин од неовластени лица
Компанијата Макпетрол ги предупредува потрошувачите што користат ТНГ во боци на зачестена појавата на неовластени лица што вршат продажба и дистрибуција на боци со ТНГ.
- Ги предупедуваме корисниците кои набавуваат ТНГ во боци од неовластени дистрибутери дека доколку внесат во нивниот дом неконтролирано наполнета боца со ТНГ, при најмало зголемување на температурата, може да дојде до несакани и трагични последици, наведуваат од компанијата.
Истакнуваат дека неовластеното лице што ги доставува полните боци со лого на Макпетрол АД, нуди рекламен материјал (флаер) во кој покрај неговите телефонски броеви наведува „Нудиме бесплатна стручна помош при монтажа на плинската боца“.
Појаснуваат дека боците задолжително се полнат во специјализирани полнилници каде што се контролираат издржливоста на притисок на боцата и функционалната исправност на вентилот пред да се наполни со ТНГ. Периодичниот преглед на боците пред нивното полнење го прави акредитирано инспекциско тело во рамки на Макпетрол АД и за тоа издава соодветен сертификат.
Од полнилниците, до крајните потрошувачи Макпетрол АД, како што велат, секогаш дистрибуира целосно контролирана, исправна и соодветно заштитена и означена ТНГ боца.
Според нив доколку се врши полнење боци во неспецијализирани полнилници, не е можно да се изврши контрола на преполнувањето, а истовремено полнењето не е безбедно и не е во согласност со позитивните технички и законски норми.
Ново на Сител
-
Изменет сообраќаен режим на булеварот „Србија“ поради снимање филм
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието