Македонските ракометари ремизираа со Швајцарија за второ место на „Жолтиот куп“

Македонската ракометна репрезентација го освои второто место на „Жолтиот куп“ во швајцарски Винтертур, откако вечерва одигра нерешено 28:28 со домашната репрезентација.

Поради подобрата гол-разлика во претходните две кола на турнирот, ремито повеќе им одговараше на Швајцарците го завршија на првото место, додека Македонците со ист биланс од две победи и еден нерешен резултат се втори.

Во пресрет на вечерашниот натпревар Швајцарија имаше +14, додека Македонија +9 по средбите со Украина и Бахреин.

Бодрени од голем број македонски навивачи, избраниците на селекторот Кирил Лазаров со подобра игра во второто полувреме, ја анулираа негативата од пет гола, но не успеаја да направат целосен резултатски пресврт.

По овој турнир македонската репрезентација заминува за Данска каде за шест дена ќе ги почне настапите на Европското првенство 2026.

МИА