Македонските граѓани ова лето “ќе сонуваат” за Црногорското приморје
Македонските државјани и наредните 15 дена нема да можат да влезат во Црна Гора ниту со негативен ПЦР тест. Иако имаше најави дека поради лошата сезона во Црна Гора во првата половина на август ќе може да се оди на море во Црна Гора, тамошните власти не ја ставија нашата земја на листата чии граѓани ќе може да влезат и да престојуваат на нивна територија без никакви ограничувања. Само Македонците не се ниту на таканаречената „жолта листа“ на која се најдоа само соседните држави на Црна Гора, Албанија, Косово и Босна и Херцеговина и за нив е потребен негативен ПЦР тест не постар од 72 часа, а додека државјаните на Канада, Русија, Украина, Белорусија, Азербејџан и Зимбабве од утре ќе може слободно да влезат во Црна Гора, објави тамошното Национално координативно тело за заразни болести.
Според последната одлука на црногорските власти нивните плажи се се подалечни за македонските државјани кои традиционално летуваат таму. Засега македонските граѓани на море без ограничување можат да одат само во Албанија и Турција, а за Бугарија и Хрватска се потребни негативени ПЦР тестови.
Александар Динев
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња