Македонскиот хип хоп филм „Сложувалка“ со награда на фестивал во Белград
Македонскиот документарен хип хоп филм „Сложувалка“ во конкуренција од повеќе филмови доби специјална награда за уметничка искреност на фестивалот „Dok’ n’ Ritam“, кој од 24 до 26 јуни се одржа во Белград.
Филмот е реализиран од страна на Александар Ковилоски, Ѓоре Милевски и Небојша Милосављевиќ, членови на oрганизацијата Хип Хоп Македонија, и на уметнички начин го прикажува сложувањето на деловите од приказната за македонскиот хип хоп.
Како што се наведува во соопштението на авторите, за успехот на филмот на фестивалот, кој се заснова на музички филмски документарци, говори и фактот дека истиот од гласовите на публиката го освои второто место и за интересот на гледачите за неговата презентација.
Во филмот учество земаат најпознатите македонски хип хоп артисти и активисти од почетокот на создавањето на макрап сцената до денес.
Хип хоп документарецот во текот на месец мај на манифестацијата МАН (Македонски Алтернативни Награди) ја освои наградата за најдобар македонски документарец за 2015 година. Претходно, филмот ги доби и симпатиите на уметничкиот филмски IOF фестивал во Бангладеш, на почетокот од јуни годинава.
Ново на Сител
-
Вајц: Предлозите за вметнување на македонскиот јазик и идентитет во Извештајот не беа грешка
-
Поради пожар затворен дел од скопската обиколница, сообраќајот кон ГП Блаце пуштен само за патнички возила
-
Пронајдено починато лице во близина на пожарот во кривопаланечко
-
Утре посвежо со пониски максимални дневни температури
-
Три пожари во Крива Паланка, градоначалникот бара итна интервенција | ВИДЕО
-
Тешко повреден велоспедист во сообраќајка на патот Радовиш-Штип
-
Запалено столче во спортска обложувалница во Скопје
-
Градежен работник починал од струен удар