Македонскиот амбасадор во Австралија на средби во Владата и Парламентот во Западна Австралија
Амбасадорот на Република Македонија во Австралија Веле Трпевски, заедно со почесниот конзул на Република Македонија Зоран Жосески и Драган Богдановски аташе во македонската Амбасада и претстедателот на Македонско западно-австрслиската стопанска комора Крис Вржовски, за време на работната посета на Федералната австралиска држава Западна Австралија се сретнаа со претседателот на Владата на Западна Австралија Марк Макгауан.
Македонскиот амбасадор Трпевски и конзулот Ќосески исто така се сретнаа и со лидерот на опозицијата Мајк Нахан, како и со бројни владини министри задожени за политичи и економски врски.
На средбите станало збор за развојот на македонско-австралиските политички, трговски и деловни односи со посебен акцент на Република Македонија како атрактивна бизнис и инвестициска дестинација во Европа. Заеднички е констатирано дека досегашниот пример на политички и бизнис контакти на австралиските фирми со македонското стопанство е добар почеток за натамошен развој и влегување на поголем австралиски капитал во Македонија.
Амбасадорот Трпевски и премиерот Макгауан разговарале и за културниот развој на македонската заедница во Австралија, за нејзините напори за зачувување на јазичниот и културниот идентитет во рамките на мултикултурна Австралија, како и за интензивирање на севкупните политичи и економски односи помеѓу Македонија и Австралија.
Во рамки на посетата во Парламентот е приреден и прием на кој присуствувале претставници на Владата и опозицијата, како и од македонската заедница.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи