Македонска Каменица со ЕСКО ќе поставува енергетски-ефикасно јавно улично осветлување
Општина Македонска Каменица активно се вклучува во реализација на ЕСКО проектот, финансиран од Регионалната програма за енергетска ефикасност. Македонска Kаменица, како што информираа од општината, е една од петте општини во кои согласно оваа програма во соработка со ЕСКО ќе се поставува енергетски-ефикасно јавно улично осветлување.
-Наша цел со реализацијата на овој проект е заштеда на трошоците, подобра услуга за граѓаните и борба против климатските промени. По истекот на договорот, опремата и целокупната заштеда на енергија останува во сопственост на крајниот корисник, во овој случај нашата општина. Проектот предвидува поставување на енергетски-ефикасно јавно улично осветлување во само неколку општини, меѓу кои и нашата, изјавија од општина Македонска Каменица.
Во рамки на оваа активност на 5 септември во Стопанската комора се одржа работилница на која покрај останатите четири општини, техничка и тендерска документација за јавно улично осветлување беше презентирана и од страна на претставници на општина Македонска Каменица.
За овој пилот-проект интерес покажале околу 20 општини, но со имплементацијата на ЕСКО проектот за почеток ќе бидат опфатени пет-пилот единици на локалната самоуправа и тоа, Валанадово, Македонска Каменица, Радовиш, Василево и Чешиново-Облешево.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка