Македонска државна делегација на погреб на романскиот крал Михаил Први

Македонска државна делегација, предводена од претседателот на Собранието Талат Џафери денеска ќе присуствува на погребот на кралот Михаил Први во Република Романија.

Во делегацијата ќе биде и заменик претседателот на Владата на Република Македонија задолжен за економски прашања и за координација со економските ресори, Кочо Анѓушев.

Кралот Михаил Први почина во Швајцарија на 5 декември. Погребната церемонија ќе започне од Кралската палата со миса во утринските часови, а погребот ќе биде доцна попладне. Во Романија е прогласена тридневна жалост по смртта на кралот Михаил Први.