Македонија се ближи до 1000-тиот погодок на Мундијалите

Нашите најдобри ракометари се на патот да заокружат 1000 погодоци на Мундијалите откако на дуелот со Исланд ја надминаа бројката од 900 гола и сега имаат вкупно 916.

Токму капитенот Кире Лазаров во 22м од мечот го постигна 900. гол за Македонија на Светските првенства.

Математиката вели дека на ова првенство постигнавме досега 137 гола што е 27,8 по меч.

Што значи дека 1000-тиот погодок би можеле евентуално да го очекуваме доколку обезбедиме полуфинале или на следниот планетарен собир.

Досега на СП Македонија има само 2 нерешени средби , 14 победи и 17 порази.