Македонија под нулата, најстудено во Берово -14 степени

Температури под нулата се регистрирани секаде во Македонија утрово. Најстудено било во Берово -14 Берово, -12 Битола, Лазарополе и Струмица, -11 Прилеп и Маврово, -10 Крушево, минус осум Крива Паланка, минус седум Демир Капија, минус шест Претор, минус пет Охрид, минус четири Тетово, Скопје Петрпвец и Куманово,

Врнежи имало во Пожаране, Маврово, Скопје Зајчев Рид, Ѓуриште, Прилеп, Тетово и Лазарополе, а снежната покривка највисока е во Маврово 65 сантиметри, 30 Крушево, 27 Битола, 24 Тополчани, 12 Ѓуриште, 11 Пожаране и Лазарополе, 10 Демир Капија и Берово, седум Прилеп и Струмица, три Претор, два Штип, Крива Паланка и Тетово, до еден сантиметар во Куманово.

Утрово времето е умерено до значително облачно и многу студено. Локално во северните делови во Лазарополе, Тетово и Маврово провејува снег.

Во текот на денот ќе биде студено, наутро и претпладне со услови за слаб снег претежно во западните планински делови. Ќе дува умерен до краткотрајно засилен северозападен ветер. На југоистокот ќе е претежно сончево. Максималната температура ќе се движи во интервал од минус шест до два степена.

Во Скопје, претпладне со услови за појава на слаб снег и од претпладне со умерен до засилен северозападен ветер. Попладне со сончеви периоди. Температурата ќе дотигене до два степена.

И во наредните денови ќе преовладува променливо облачно и студено време со максимални дневни температури под или околу нулата. Утринските температури ќе бидат многу ниски и до -18 степени во Пелагонија и Малешевијата, а најстудено ќе биде утре наутро кога речиси во целата земја температурата ќе се спушти под -10, а на повеќе места и под –15 степени. Нови пообилни врнежи од снег ќе има во среда од запад, иако на истокот наутро се уште ќе е многу студено.