Македонија домаќин на Европско првенство во атлетско планинско трчање
Агенцијата за млади и спорт во соработка со Атлетската федерација и градот Скопје се главните виновници за одржување на атлетски меѓународен настан од Европски ранг.
Станува збор за Европско првенство во планинско трчање во сениорска и младинска конкуренција , поединечно и екипно, мажи и жени, закажано за 1-ви Јули на Средно Водно.
По тој повод, во Агенцијата за млади и спорт се одржа прес конференција со присуство на директорот на АМС Дарко Каевски, претседателот на атлетска федерација на Македонија Крсто Серафимовски, како и македонската маратонка Весна Кираџиева.
-Ова е голема чест за Агенцијата за млади и спорт, но пред се на Атлетската федерација на Македонија, меѓутоа и обврска и голема одговорност. Ова Европско првенство претставува можност за докажување за добра организација, и со тоа трасирање на патот за добивање и на следни Европски првенства каде што и имаме интерес а тоа е пред се Европско екипно првенство во 2019 година.
Бенифитети од оваа манифестација се големи, пред се се мисли на омасовување на атлетскиот спорт, посебно на планинското трчање , убавините и можностите кои ги поседува планината Водно, и секако промоција на Скопје и Република Македонија.
Агенцијата за млади и спорт останува на заложбата на подигање на атлетиката како базичен спорт на повисоко ниво, истакна Каевски.
-Масовноста на Европското првенство во планинско трчање со учество на 28 држави со преку 250 натпреварувачи е главен показател на популарноста на планинското трчање во Европа и пошироко, истакна претседателот на АФМ. Квалитетот е видлив од самиот податок што учествуваат атлетичари од Италија, Турција, Хрватска, Чешка, Словенија, Велика Британија, кои се водечки држави кога е во прашање планинското трчање и атлетиката.
Повик до сите вљубеници на атлетиката и спортот воопшто, како и планината Водно испрати нашата најдобра учесничка, маратонката Кираџиева, потенцирајќи дека на стартот на првенството закажан за 01.07 на средно Водно, ќе претстои дефиле на сите учесници претходната вечер, 30.06 на плоштад Македонија.
Македонија за прв пат доби доверба да организира Европско атлетско првенство во Планинско трчање во Скопје.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација