Македонците од Виена со поддршка за унитарна Македонија

Со македонски знамиња и транспаренти „Едно име имаме – МАКЕДОНИЈА“, Македонците во Виена категорично се спротивставуваат на тиранската платформа.

Поголема група Македонци денеска во центарот на  австрискиот главен град, Виена се собраа за да го искажат револтот за тиранската платформа.

Порачуваат дека нема да дозволат да се променат името, знамето, химната и државниот грб.

Загрижени од состојбата во Македонија, порачуваат дека тиранската платформа не смее да се прифати и оти таа ќе биде првиот чекор кон редефинирање на Македонија.

Дијаспората на дело покажува како се сака татковината и дека нема да дозволат СДСМ и Зоран Заев со антимакедонската политика да удрат врз темелите на македонската држава.