Мајк Пенс: САД се надеваат на позитивна промена во руско-американските односи

Вашингтон се надева дека односите меѓу Русија и САД ќе се менуваат во позитивна насока, изјави американскиот потпретседател Мајк Пенс, кој е во посета на Естонија. пренесува ТАСС.

- Претседателот и јас, многу се надеваме дека ќе видиме друго однесување од страна на руската влада во однос на Украина, како и во однос на поддржувањето режими во Иран и Северна Кореја. Продолжуваме да веруваме дека Русија ќе го промени своето однесување и дека нашите односи можат да се менуваат на подобро, во интерес на двете земји, како и во интерес на мирот и стабилноста во регионот и во светот, изјави американскиот потпретседател.