Махмуд Абас ќе присуствува на погребот на Шимон Перес
Палестинскиот претседател Махмуд Абас ќе присуствува на погребот на поранешниот израелски претседател Шимон Перес, соопштија израелските власти.
Весникот „Хаарец“ пишува дека Абас поднел барање за дозвола да го посети Израел, што е неопходна процедура за сите Палестинци од Западниот Брег.
Палестинскиот лидер планира да пристигне утре со помала делегација, во која ќе се наоѓа и шефот на палестинскиот тим на замрзнатите мировни преговори со Израел, Саеб Еракат.
Илјадници луѓе му одадоа денеска последна почит на Перес, чиј ковчег беше изложен во зградата на Парламентот.
Израелската полиција соопшти дека 8.000 нејзини припадници ќе се грижат за редот и безбедноста за време на погребот.
На Националните гробишта во Ерусалим се очекува утре да присуствуваат голем број странски лидери, меѓу кои и американскиот претседател Барак Обама, сегашниот и поранешниот француски претседател Франсоа Оланд и Никола Саркози, британскиот принц Чарлс, германскиот претседател Јоахим Гаук, шпанскиот крал Фелипе Шести, канадскиот премиер Џастин Трудо, генералниот секретар на НАТО, Јенс Столтенберг и поранешниот американски претседател Бил Клинтон.
Ново на Сител
-
Репортери без граници: Северна Македонија на 36. место, најдобро рангирана меѓу државите од регионот
-
Автобус падна во длабока провалија во Пакистан, најмалку 20 загинати и 21 повреден
-
СПМ: Гласањето на 8 мај е пресудно за иднината на државата
-
Приведени двајца дилери од Кичево
-
Приведена 50-годишна жена за кражба во продавница во Гостивар
-
Вархеји му честиташе на Вучевиќ: Се радувам на соработката за пристапување на Србија во ЕУ
-
Белград: Годишнина од масовното убиство во „Рибникар“ | ВИДЕО
-
Подољак: Да се усвои единствена одлука за враќање на воено способни мажи во Украина