Магла на патот Тетово-село Гајре, видливост до 10 метри

Поради магла има намалена видливост до 10 метри од Тетово до село Гајре, додека видливост од 20 до 50 метри има во Куманово, Тетово, Гостивар, Сарамзалино и Струмица, информираат од ЈП Македонија пат.

Сообраќајот по останатите патишта низ државата се одвива тековно, по наместа влажни коловози.

На одредени патни правци кои поминуваат низ клисури и усеци можна е појава на поситни одрони.

ЈП Македонија пат апелира на внимателно возење и прилагодување на брзината  спрема условите на патот.