Магдевски „раскина„ со Уникаха

 

 

Андреј Магдевски повеќе не е дел од шпанската екипа Уникаха Малага. Ова денеска го обелодени самата шпанска екипа за која македонскиот репрезентативец воедно и капитен на младата репрезентација. 

 

Уникаха ја прекина соработката со Магдевски кој минатата сезона играше како позајмен играч во второлигашот Клиникас Ринкон, но и таму не доби преголема минутажа, па во просек бележеше по 4,3 поени, 1,7 скокови и 1,3 асистенции по натпревар. Иако постоеја најави за негов камбек во Уникаха, раководството на евролигашот сепак се реши да го раскине договорот со Македонецот.

 

Магдевски пред две сезони настапуваше за младинскиот тим на Реал Мадрид, од каде се пресели во Уникаха. При преговорите тимот од Малага му вети на Македонецот повеќе шанси за тренинзи и докажување со првиот тим, но неполн месец по потписот на договорот Магдевски беше испратен „на калење“ во Клиникас Ринкон.

 

Андреј Магдевски настапува за младинската репрезентација на Европското Првенство, Б дивизија во Унгарија, каде во просек бележи по 20,3 поени и 7,3 асистенции по натпревар.