Магационер на Кожарскиот комбинат Куманово осомничен за кражба
Шеесет и едногодишниот Ј.М. од Куманово, претставник на стечајните работници од Кожарско преработувачки комбинат Куманово а.д Холдинг во стечај, осомничен е за кражба на кожа и кожни производи од магацинот на фабриката.
Пријава против непознат сторител во Секторот за внатрешни работи Куманово поднел стечајниот управник на комбинатот, по што СВР презел оперативно-тактички мерки и го сомничи Ј.М. По целосно расчистување и документирање на настанот, против него ќе биде поднесена соодветна пријава.
- На Ј.М. му бил доверен клучот од магацинот, а тој во периодот од 2013 до 2015 година континуирано, на засега неутврден начин, изнесувал различна стока од магацинот, со што е причинета материјална штета од околу 3.550.000 денари, соопшти Министерството за внатрешни работи.
По наредба на Основен суд Куманово вчера бил претресен домот и други простории на три локации при што биле одземени предмети за кои постои сомнение дека се сопственост на Кожарско преработувачкиот комбинат Куманово.
- При претресот се пронајдени повеќе од 100 парчиња машки и женски кожни јакни и бунди, 62 бали разновидна кожа, женски здолништа, женски чанти, кожни елеци, женски и машки пликоа, кожни мантили, паричници, ремени, машини за шиење на кожа, разни делови за машини и многу други предмети. Сите предмети се запечатени, пренесени во магацинот на фабриката и истиот е пломбиран, соопшти МВР.
Ново на Сител
-
Поранешниот потпретседател на Европскиот парламент е уапсен во трговската афера со дипломи во Полска
-
Собранието не го прифати Предлог законот за изменување и дополнување на Законот за игри на среќа и забавни игри, во прво читање
-
Пробиштип: Со возилото намерно удрила сограѓанин - Кривична за 41 годишна жена
-
Спречени три терористички напади за време на ОИ и ПОИ во Париз
-
Другар му го погодил со воздушен пиштол - Дете заврши на скопските клиники
-
Тетовчанец се заканувал на новинарка - Полицијата го приведе
-
Филипче: ДКСК да ја утврди фактичката состојба со мојот имот, а потоа ќе барам Мицкоски да ми се извини
-
Град Скопје поднесе 20 проекти на јавниот повик на Владата