Луизијана се подготвува за нова тропска бура
Гувернерот на американската држава Луизијана, JЏон Бел Едвардс прогласи вонредна состојба во врска со очекуваната тропска бура Сали, која се формира во Атлантскиот Океан. На својот профил на Твитер, Едвардс објави вонредна состојба и препораки до жителите на државата.
– Многу е можно тропската бура Сали да се претвори во ураган што ќе го погоди брегот на Луизијана во понеделник наутро, рече гувернерот. Оваа бура може да има многу сериозни последици, предупреди тој.
Бурата Сали се формираше вчера крај брегот на Флорида. Националната опсерваторија за урагани на САД проценува дека налетите на ветерот ќе достигнат брзина од 18 метри во секунда.
Пред помалку од две недели, ураганот Лора ги погоди Луизијана и Тексас, достигнувајќи четврта категорија од пет според скалата Сафир-Симпсон. Во катастрофата загинаа 25 лица во двете држави. Подоцна, ураганот Лора ослабна во тропска бура, а потоа и во циклон.
Сезоната на урагани во Атлантскиот Океан обично трае шест месеци – од почетокот на јуни до крајот на ноември.
Ново на Сител
-
Кражба во црквата “Св. Спас” во Сопиште, приведени двајца скопјани
-
САД повеќе не препорачуваат вакцини против Ковид-19 за бремени жени и здрави деца
-
Меџити: Таравари и Ахмети предвиделе се, но не и дека ќе го исфрлиме од ВЛЕН и од Владата
-
Критичарите на Ердоган се сомневаат во неговите намери за нов устав на Турција
-
САД ги предупредија своите граѓани да не патуваат во Венецуела
-
Најмалку петмина загинати во големата експлозија во хемиска фабрика во источна Кина
-
Oбвинителен акт против десет лица за продажба на кокаин и марихуана
-
Митева: За првпат во историјата научните бази Web of Science и Scopus стануваат бесплатни