Живот
4. November 2016 - 17:05

Лудило или вистина: Девојка тврди дека ќе го роди Исус

Иако лекарите како и многуте тестови утврдија дека не е бремена, 19-годишната Хејли тврди дека е.

Приказната на оваа тинејџерка се прошири по интервјуто со неа во емисијата на доктор Фил.

Хејли пред камерите го покажа стомакот, уверена дека е бремена во деветиот месец и дека го носи Исус.

Нејзе не ја поддржува ниту нејзината мајка која за својата ќерка вели дека компулсивно лаже и дека живее во илузија.

-Прв пат кога ми рече дека го носи Исус Христос, ја погледнав како да го загубила разумот, вели нејзината мајка.

Иако никој нормален не верува дека е бремена, таа упорно го повторува истото па истото.

-Една вечер додека спиев почувствував удар во стомакот. Сега ја чувствувам главата на бебето под папокот. Не ми е грижа тоа што не ми веруваат, јас знам дека тоа е Исус. На крајот се сведува на тоа дали си вистински верник или не. Не ме интересира што зборуваат докторите или што покажуваат тестовите за бременост. Кога ќе го родам ова дете никој нема да ми го одземе, зошто е мојот спасител, раскажа Хејли и додаде дека во текот на бременоста се здебелила 12 килограми.

На тинејџерката во текот на годините и е дијагностицирана параноидна шизофренија.

Нејзината мајка го моли доктор Фил за помош, зошто не може повеќе да живее вака.

-Мораме да се однесуваме кон неа како да е навистина бремена за да избегнеме билокаков судир. Сакам навистина да и помогнам, вели нејзината мајка.