Фудбал
9. August 2020 - 13:21

ЛШ:Силекс против првакот на Азербејџан

Екипата на Силекс го доби противникот за првото квалификациско коло од Лигата на шампионите. Тоа е првакот на Азербејџан Карабах. Силекс беше меѓу неносителите, заедно со Динамо Брест, Рига и Тирана, а можни противници му беа и Астана (Казахстан), Макаби Тел-Авив (Израел) и Динамо Тбилиси (Грузија). Кристијан Тошевски со Тирана во првото коло ќе се сретне со Динамо Тбилиси.

Во оваа фаза ќе се игра само еден натпревар, а со ждрепка ќе се одлучи кој ќе биде домаќин. Дуелите се на програмата на 18/19 август. Постои опција доколку Силекс е домаќин натпреварот да се игра на неутрален терен, а опции се Кипар, Унгарија, Полска и Грција.