ЛШ: Вардар одигра второ полувреме за заборав
Иако на моменти изгледаше многу блиску до лидерот во групата Б во Лигата на шампиони, Кил, гостувањето во Германија европскиот шампион Вардар нема да го памети по добро откако доживеа висок пораз од 34:23 (18:14).
Германскиот клуб во првото полувреме беше подобар, меѓутоа „црвено-црните“ успеваа да го оддржуваат резултатот активен, и на почетокот на второто полувреме дојдоа и до само два гола разлика (18:16), но потоа на теренот како да играше само еден тим, за Кил да стигне до нова убедлива победа со која се одвојува на четири поени пред Веспрем на првото место во групата.
Никлас Екберг со осум и Магнус Ландин со шест гола беа најефикасни кај бундеслигашот, додека за Вардар Даинис Криштопанс имаше шест гола, а капитенот Стојанче Стоилов постигна пет.
Вардар пак, во првиот меч од ЛШ за новиот тренер Стевче Алушевски, остануваат на шестото место со 9 поени, пет пред Мотор Запорожје со тешка мисија за влез во осминафиналето на турнирот.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o