Лопетеги стравува од Несторовски, на Шпанците и смета тревникот

 

 

 Шпанските новинари присутни на денешната прес-конференција на македонската фудбалска репрезентација на која присуствуваа селекторот Игор Ангеловски и капитенот Горан Пандев, открија дека нивниот селектор Хулен Лопетеги го потенцира Илија Несторовски како најголема опасност по голот на „црвената фурија“. 

 

- Не можам да му помогнам на Лопетеги ако е загрижен од нашиот тим и од Несторовски. Наша работа е да ја подготвиме добро средбата и да си ја завршиме добро работата. Имавме добра можност да ги анализираме Шпанците под Лопетеги, имаат само три нерешени натпревари и нивната игра е за почит“, изјави македонскиот селектор Ангеловски. 

 

- Несторовски за нас е многу важен играч, селекторот Лопетеги е во право што смета дека токму Илија ќе прави проблеми на одбраната, и се надевам дека ќе постигне гол, дополни капитенот Пандев. 

 

На Шпанците кои вечерва ќе го одржат и единствениот тренинг пред утрешниот меч им пречи и подготвеноста на тревникот на арената „Филип Втори“. 

 

На такво поставеното прашање од страна на шпанските новинари Ангеловски и Пандев со идентичен став, - Тревникот е одличен и не треба противникот да се грижи за тоа, теренот е ист за двете селекции. И ние и вие ќе играте во Скопје, а не во Мадрид, така да условите за игра ќе бидат исти за двете репрезентации, изјавија македонскиот селектор и капитенот. 

 

Мечот, Македонија – Шпанија се игра утревечер од 20:45 часот на арената „филип Втори“ во Скопје