Локвенец: МВР има потреба за реформа на безбедносниот систем

Хари Локвенец, пратеник и претседател на Комисијата за надзор над работата на Управата за безбедност и контраразузнавање (УБК) и на Агенцијата за разузнавање (АР) денеска изјави дека Министерството за внатрешни работи направило промоција на проект за сеопфатна реформа на системот за национална безбедност.

Според него, тоа е признание од МВР дека навистина има потреба за реформа на безбедносниот систем.

За СДСМ, нагласи Локвенец, е целосно неприфатлив предлогот носител на процесот да биде сегашниот министер за внатрешни работи Митко Чавков.

- СДСМ смета дека е нужна реформа на срушениот безбедносен систем, но во сосема други околности и со други личности, изјави Хари Локвенец, пратеник и претседател на Комисијата за надзор над работата на Управата за безбедност и контраразузнавање (УБК) и на Агенцијата за разузнавање (АР).