Локализирани неколку пожари низ државава

Во текот на вчерашниот ден изгаснати четири пожари што избиле тој ден.

Околу 14.50 часот во СВР Скопје било пријавено дека во правец од с.Долно Блаце кон с.Горно Блаце, скопско, долж државната граница, кај место викано „Барди мост“, настанал пожар при што горела нискостеблеста шума. Околу 19.00 часот пожарот бил локализиран.

Вчера бил изгаснат пожарот во атарот на с.Бајково, с.Баделен и с.Стиник на планината Огражден, кој беше активен неколку дена. Опожарена била површина од околу 30 хектари нискостеблеста шума од бука, смрека и габер.

Околу 14.00 часот пожарот настанат во претходните денови на подрачјето на с.Црешнево, велешко, бил изгаснат, додека пожарот над с.Ореше, велешко, бил ставен под контрола. Исто така, пожарот кај с.Врбоец, крушевско, бил изгаснат. 

Во 15.30 часот пожарот во националниот парк „Галичица“, кој беше активен изминатите неколку дена, бил изгаснат.