„Љубовникот на Ленин“, нов роман од Блаже Миневски

Во издание на „Матица македонска“ излезе од печат романот „Љубовникот на Ленин“ од писателот Блаже Миневски.

Авторот разгатнува чувствителни теми од македонската историја и сегашност. 

Приказната почнува со потрагата по гробот на Браќата Миладиновци во Истанбул, а завршува со отровната боја фрлена врз фасадата на македонското Собрание во Скопје.

Миневски е автор и на романите: „Јас,Тито и Мики Маус“,„Требаше да се сликаме пред да се замразиме“, „Свирци“, „Нишан“, „Мемоарите на една млечка“ и „Црна лисица“. За своето прозно творештво ги има добиено наградите: Стале Попов, Рациново признание, 13 Ноември, Роман на годината на Утрински весник. Негови дела се преведени на англиски, кинески, бугарски, српски, словенечки, италијански и арапски јазик.