Лидерство и учество на лицата со попреченост во создавање на поинклузивен, попристапен и поодржлив пост-Ковид19 свет

Овогодинешната порака по повод Меѓународен Ден на Лицата со попреченост е „Лидерство и учество на лицата со попреченост во создавање на поинклузивен, попристапен и поодржлив пост-Ковид19 свет“.

За таа цел во 14 часот во фоајето на Центар за култура „Браќа Миладиновци“ во Струга, во организација на Порака Нова, Здружение на слепи лица Струга и Здружение на глуви и наглуви лица Струга, го овозможи настанот„Слушнете ги нашите приказни“, со цел да се слушнат и прочитаат личните и општествените борби на лицата со попреченост и нивните успешни животни приказни.

Моменталната светска популација е нешто повеќе од седум милјарди луѓе, од кои повеќе од една милјарда се луѓе кои живеат со некаков вид на попреченост. Во 1992 година Генералното Собрание на Обединетите Нации одлучи 3 Декември да се одбележува како со цел промоција и добросостојба на лицата со попреченост во сите сфери на општеството, а и со цел зголемување на свеста за состојбата на лицата со попреченост во секој аспект на социјалното, политичкото, економското и културното живеење.