Лидерот на турската прокурдска партија ДПН, Селахатин Демирташ, го прекина штрајкот со глад
Притворениот лидер на прокурдската Демократска партија на народите (ДПН), Селехатин Демирташ, го прекина штрајкот со глад, доцна синоќа јавија претставници од неговата партија, пренесе ДПА.
Демирташ вчераутро престанал да зема храна. Кон неговиот протест се приклучил и пратеникот Абдула Зејдан, кој, исто така, се наоѓа во строго чуваниот затвор во западниот турски град Едрене.
Двајцата доцна синоќа го прекинаа штрајкот со глад, што беше прогласен во знак на солидарност со повеќе од 100-те политички затвореници во Турција, кои протестираат против „незаконските“ и „нечовечкки“ практики, како што ДПН ги нарекува во своето соопштение, на кои се подложени затворениците во Турција, во кои се вклучени и мачења, држење во изолација, изненадувачки претреси на ќелии и конфискување на предмети од лична сопственост.
Демирташ и Зејдан се одлучиле да го прекинат штрајкот со глад по преговорите за почнување дијалог со властите на затворот и како израз на добра волја, што била покажана и од двете страни, се наведува во соопштението на партијата.
Демирташ е еден од членовите на ДПН, кој во ноември беше притворен под обвиненија за тероризам. Тој и уште 12 члена на прокурдската партија се под стража во очекување на почеток на судскиот процес против нив.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање