Лекари без граници: Во Сирија најмалку 12 болници настрадаа при воздушните напади

Најмалку 12 болници се погодени во воздушните напади во северниот дел на Сирија во последните недели, а 35 пациенти и медицински лица загинаа при новата ескалација на борбите, соопшти денеска Лекари без граници.

Хуманитарната организација не прецизира која земја извршила воздушни напади врз болниците. Покрај десетиците загинати, 72 лица се повредени пи нападите врз болниците во провинцијата Алепо, Идлиб и Хама.

Лекари без граници посочува и дека ескалацијата на насилството од крајот на септември предизвикало и раселување на илјадници цивили.