Лекар од Битола ќе одговара кривично - на пациент дал погрешна дијагноза која предизвикала тешки нарушувања

Кривична пријава си заработи битолски доктор поради несовесно лекување  болни лица.

Како што информираат од СВР Битола поднесена е  кривична пријава против Д.П.(63) од Битола поради постоење основи на сомнение за сторени кривични дела „несовесно лекување болни“ и „тешки дела против здравјето на луѓето“. Во текот на 2017 година во Битола во Клиничката болница, пријавениот, како доктор, постапувајќи несовесно при микроскопски преглед на примерок од пациент, дал дијагноза, врз основа на која било предизвикано тешко нарушување на здравјето.