Лажна дојава за поставена бомба во трговски центар во Белград

Припадници на српското Министерство за внатрешни работи вечерва спроведоа евакуација на присутните во трговскиот центар „Делта сити“ во Белград, по добиена анонимна дојава за поставена екслозивна направа во објектот.

По извршената проверка е утврдено дека дојавата била лажна, по што трговскиот центат е повторно отворен, а вработените се вратени на нивните работни места.

Полицијата изврши детална проверка на сите простории во трговскиот центар, каде пристигнаа голем број припадници на српските безбедносни служби. 

Министерството за внатрешни работи на Србија соопшти дека добило анонимна дојава дека вечерва во „Делта сити“ ќе биде извршен бомбашки напад. 

Српската полиција интензивно трага по лицето кое ја дало дојавата.