Лазаров: Одигравме неизвесен натпревар против европскиот првак

Екипата на Нант вчера го претрпе првиот пораз во Лигата на шампионите загуби во Скопје од европскиот првак Вардар со 23:27. По дуелот играчот на францускиот тим и капитен на македонската репрезентација Кирил Лазаров изјави:

- Прекрасно е да се биде дома. Среќен сум во Македонија. Одигравме неизвесен дуел со европскиот првак. Ова за Нант е прв година во двете најсилни групи од ЛШ. Ова е прв пораз. Во овие натпревари кога се решава во последните 10-15 минути мора да бидеш смирен, тогаш се решава победникот. Вардар имаше повеќе такви ракометари и заслужено победи.

Лазаров во игра првпат влезе во 17 минута (игра и со дрес број - сосема случајно) имаше мала минутажа.

- Нов сум во екипата и треба да се навикнам и на системот на игра. Во прв момент имам проблем и со францускиот јазик, но, како ќе минува времето очекувам и поголема минутажа. со секој случај треба да се оди чекор по чекор. Победивме неколку големи екипи во подготовките, МОнпеље, Веспрем, Берлин, ПСЖ,... Тешко е француското првенство, заврши Лазаров.