Лавров: Позитивни сигнали во сирискиот мировен процес
Русија забележа позитивни сигнали во сирискиот мировен процес и на претстојниот состанок во Астана гледа како на важен чекор кон воспоставување рамка за преговорите во Женева, изјави денеска рускиот министер за надворешни работи Сергеј Лавров.
Москва, од своја страна, е подготвена да прејде на конструктивен дијалог со САД, порача Лавров, пренесуваат британските медиуми.
Лавров рече дека Москва смета дека разговорите во престолнината на Казахстан, на 23 јануари, се важен чекор кон воспоставување на параметарот за сеопфатно политичко решение во Сирија, што ќе биде продолжен во Женева.
Агенцијата ТАСС напоменува дека разговорите во Женева за Сирија треба да почнат на 8 февруари.
Лавров вчера објави дека САД се повикани на претстојните разговори за сирискиот конфликт во Астана.
Тој неодамна изјави дека е исправно американската страна да се повика на разговорите за Сирија во Астана и дека на тој начин Москва настојува да го консолидира режимот за прекин на огнот и да придонесе кон процесот на политичко решение на конфликтот.
Ново на Сител
-
Магистралниот пат Охрид - Ресен затворен за сообраќај поради незгода
-
Утре температура до 39 степени, следните денови уште потопло
-
Се враќа оградата пред владината зграда во Скопје
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми