Лавров и Тилерсон разговараа за Сирија

Рускиот министер за надворешни работи Сергеј Лавров и американскиот државен секретар Рекс Тилерсон денеска во Данинг зборуваа за ситуацијата во Сирија и за решавање на конфликтот во земјата, соопшти руското Министерство за надворешни работи.

Рускиот министер за надворешни работи Сергеј Лавров и американскиот државен секретар Рекс Тилерсон се состанаа на маргините од самитот на Азиско-пацифичката економска соработка (АПЕК) во Дананг, се наведува во соопштението.

Двете официјални лица разговараа за сириската криза и заедничко дејствување со цел да се реши кризата, се вели во соопштението.

За Сирија денеска, на маргините на самитот, накратко разговараа и претседателите на Русија и САД, Владимир Путин и Доналд Трамп и ја потврдија заедничката изјава за земјата.

Во соопштението се вели дека претседателите ја потврдиле решителноста во борбата против Исламската држава со цел конечно да се издејствува победа над неа, како и да се почитува суверенитетот, независноста и територијалниот интегритет на Сирија.