Кузнецова дел од ЖРК Вардар во новата сезона

Репрезентативката на Русија Полина Кузнецова (30 години) ќе биде нова ракометарка на ЖРК Вардар во следните две сезони. Таа игра на позиција лево крило и во Вардар доаѓа како слободен играч откако и заврши договорот со руската екипа Краснодар. На оваа позиција Вардар во новата сезона ќе ја има и македонската репрезентативка Јована Саздовска.

ЖРК Вардар има комплетно нови ракометарки на лево крило откако Камила Херем и Тамара Мавсар си заминаа.

 

Кузнецова има играно за руските екипи Волгоград, Лада, Звезда Звенингород, Астраханочка и Краснодар. Таа на ЛОИ во Рио беше прогласена за најдобро лево крило на турнирот, а била најдобра на својата позиција и на СП 2007 и ЕП 2012. Има златен олимписки медал од Рио 2016 и сребро од ЕП 2006 година.