Кушнер во Давос ги претстави плановите за реконструкција на Газа

Џаред Кушнер, зет и еден од најблиските соработници на американскиот претседател Доналд Трамп, денеска ги претстави плановите за реконструкција на Појасот Газа нагласувајќи дека целосната демилитаризација на Хамас е неопходна за реализација на планот.
„Нова Газа може да биде надеж и дестинација. Денес направивме неколку невозможни работи во Газа и нема причина да не правиме уште“, рече Кушнер, пренесен од Си-ен-ен
На Светскиот економски самит во Давос тој имаше презентација во која го истакна потенцијалниот нов изглед на палестинската енклава потенцирајќи дека „мирот е поинаков вид договор од бизнис-договор“, како и дека администрацијата на Трамп нема план Б надвор од договорениот повеќестепен процес за завршување на војната и трансформација на енклавата.
Кушнер ги повика присутните да „ги остават настрана скептицизмот и соперништвата“ во учеството во Одборот за мир.
„Да направиме сè што можеме за да се обидеме да соработуваме. Нашата цел тука е мир меѓу Израел и палестинскиот народ“, наведе Кушнер.
Тој нагласи дека голем дел од планот зависи од демилитаризацијата на Хамас ветувајќи дека САД ќе го спроведат тој дел од договорот за прекин на огнот.
„Доколку Хамас не се демилитаризира, тоа ќе биде она што ќе ги спречи Газа и народот на Газа да ги остварат своите аспирации“, рече Кушнер
Ново на Сител
-

Србинот Дејан Мијатовиќ нов тренер на МЗТ Скопје
-

Мицкоски од Берлин: Македонија активно учествува во разговорите за глобалната безбедност и предизвиците во светот
-

Сиљановска-Давкова ги прими акредитивите од новоименуваниот амбасадор на Кралството Саудиска Арабија Ибрахим Ал-Мади
-

Директорот на Мајкрософт: Вештачката интелегенција би можела да предизвика бројни проблеми
-

Ристески: Клучен приоритет на Владата е да ги задржи младите во државата
-

Николоски - Варнс: Потврдена посветеноста на стратешкото партнерство со САД и унапредувањето на билатералната соработка
-

Полицијата во Белгија со помош на „ГТА 6“ ги предупредува младите: Играта не е вистински живот
-

Мицкоски: Ја потврдивме поддршката за постигнување праведен и траен мир преку дијалог, дипломатија и координација
