Курти: Многу брзо ќе се формира новата косовска Влада

Средбите на Движењето Самоопределување со Демократскиот сојуз на Косово се редовни и напредуваат и новата влада ќе биде формирана многу брзо, изјави лидерот на Самоопределување Албин Курти, по состанокот со американскиот амбасадор во Приштина, Филип Коснет.

Коха пренесува дека Курти истакнал дека приоритет на новата влада, во која тој ќе биде премиер, ќе биде владеење на правото, борбата против организираниот криминал и високата институционална корупција, за да се трасира патот за општествено-сицијалниот напредок на земјата.

Амбасадорот Коснет изрази интерес за напредокот во разговорите за формирање нова влада и желба институтиците што поскоро да бидат воспоставени, пренесе Косово онлајн.