КУП: Шкендија го совлада Кожуф за одбрана на титулата

Фудбалерите на Шкендија се пласираа во осминафиналето на националниот фудбалски куп откако славеа со 2-0 во Гевгелија против домашниот Кожуф.

По неколкуте шанси на обете страни подобро се снајде бранителот на трофејот во купот и го отвори резултатот  со погодокот на Ибраими.

Шкендија играше во комплетен состав и беше подобар противник а тоа го потврди Омар Имери кој во 28. ги постави конечните 0-2 со својот дебитантски погодок во дресот на Шкендија. Покрај тетовчани пласман во следната фаза обезбедија уште и Кораб, Беласица, Скопје, Академија Пандев, Кит-Го Пехчево, Работнички, Брегалница, Вардар, Пелистер, Гостивар, Силекс, Тиквеш, Македонија ЃП и Победа.